الفرق بين اطفال الهاي واطفال الوراعين

أطفال الناس الهاااااي
- في الصباح حيث يبدأ يوم اطفال الهاي

عندما يستيقظ على صوت الكناري اللي بغرفته

بعدها يتوجه للحمام يتروش ويفرش اسنانه
ويطلع من الحمام تستقبله المربيه بالملابس

وتصبح عليه
وياخذ شنطته وينزل لغرفة الطعام

ويصبح على امه وابوه واحلىىىى بوسه ياخذها منهم ويفطر ذاك الفطور

طبعا عباره عن كورن فلكس ابو الديك ذاك وبيضه وحده بس

وكاس عصير وشويت زبده مع العسل على خبزه ما عمري شفتها.

بعدين يقوم يغسل فمه ويودع الماما والبابا ويتوجه للسياره
يلقى قدامه السواق مبتسم ويفتح له الباب
ويوديه لمدرسته الخاصه ام الدراهم



ورعااااتنا المحترمين



يقوم الصبح بعد ما يطلّع عين اهله

ولازم افراد العائله تمر عليه عشان تصحيه وكل واحد وطريقته:

الاب: قم يالله للحين بالعقال

الأم: قم يا حبيّبي

الأخ: والله اذا ما تقوم لافقع وجهك

أخته: يا الله قم تأخرنا لازم كل يوم أكتب مخالفه تأخير بسبتك

بعد ما يقوم يمر الحمام على السريع ويغسل وجه شطف هذا اذا راح

وبعدين ياخذ اقرب كتب عنده ويربطها

ويجيك مدحدر يدور الفطور ويتفاجأ انهم ما حطوه


بعد ما يجي الفطور وهو كالعاده : فول شكشوكه تميس + حليب طازا

يبدأ الورع بالأكل وشوي الا وهو حاذف أخوه بعلبة الهندسه

عشانه سحب صحن الفول من عنده مسكين ما يطوله

وشوي والا وهو

مسدد بقس عنيف يمشي 200 لأخوه الثاني لأنه سرق فسحته

أبوه يتكلم معه اقول أركد وافطر وعين خير انت وشفيك وراك مدرسه


المهم يروح الولد للسياره

يلقى اخوه فاتح الكبوت ويصب ماء للرديتر المشقوقimp:

تقفل اخلاق الورع وينقز للشارع ويأشر لأقرب

سياره ويروح للمدرسه أكيد حكوميه




أطفال الناس الهاااااي

2- بعد المدرسه يرجع اطفال الهاي ويلقى المربيه في استقباله
تاخذ الشنطه
وتوديها لغرفته بصحبته يغير ملابسه ويغسل وجهه ورجليه

ويستريح له ساعه في أنتظار افراد العائله عشان يتغدى وبعد الغداء

الرايق طبعا ما اعرف وشو بس اللي اعرفه انهم ياكلونه بشوكه
وسكين

يروح لغرفة الجلوس ويشرب شاهي للتهضيم

ويحلي بقطعة كيك وبعدين

يروح لغرفته ينام له ساعه قبل العصر



ورعااااتنا المحترمين

اما الورع منهم يجي من المدرسه وثوبه

قالب لونه بني تقول جدار مدرسه

ولا دخل البيت حذف الشنطه بالصاله وفصخ ثوبه

ووينك يالشارع اخوياه يحترونه

وخذ لعب كوره بذا القايله وعادي الشارع مولع من الحراره
وهم عادي مررره

ولا كأنه فيه شيء واهله ما يدرون

في هذه الأثناء يرسل ابوه اخوانه للبحث عنه

ولا لقوه وجابوه للبيت قام يصيح طقوني وسحبوني

قدام الناس والله ما أحد لمسه النصاب

المهم يحطون الغداء معروف يا كبسة لحم ولا مشخول دجاج

غيره ما فيه!!
يتغدى الورع الكريم ويصــــــــــــــــــك بعدها لتر لبن

بعدها يجلس ساعه فاتح فمه تحاول تسكر بفمه أنسى

يحتري من يوديه يغسل له يديه


أطفال الناس الهاااااي

3- اطفال الهاي لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب

لمدة ساعتين تقريبا يعني اللى وقت ما بين المغرب والعشاء.

بعدها تطلبه امه مع بقية أخوانه عشان يجتمعون ويشربون العصير

ويسولفون



ورعاااانا المحترمين
يجي وقت العصر وهو نايم مفعول اللبن يقوم قبل المغرب

وياخذ دروسه وواجباته وأقلامه ناسيها في درج الطاوله اللي بالمدرسه

ويروح عند أخته ويتحايل عليها بكل ما أوتي من قوه

على شان تحل له الواجبات واذا قالت لا يا ويلها يا سواد ليلها .

بعد كذا أنواع الدجه مع ورعان الحاره

ما يخلون هندي الا وسرقوا سيكله

ولا باكستاني بالدكان الا ولعبوا بحسبته

ولا رجع البيت على الساعه 11 تقريبا تلقى راسه مفلق من

جميع الاتجاهات

والشرطه تدوره
وجارهم مسوي أعلان عليه مطلوب

حي أو ميت!! ومن الضحيه أهله




أطفال الناس الهاااااي

4- أطفال الهاي بعد ما يتعشى ويمسي على اهله
يروح لغرفته ويجلس

على النت ساعه أو ساعتين الى موعد نومه الساعه 10 تقريبا

وبعدها يغير ملابسه وتجي المربيه وتحكي له قصه اللين ينام


ورعاااانا المحترمين

لا رجع البيت الساعه 11 ما يدخل مع الباب

لا ينط من فوق السور
على شان ابوه ما يمسكه

وعلى طول يزبن لغرفته ويسكر الباب ويطفي النور ويطل من الدريشه

الشباك يعني على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها ابوه

مع الناس ومع جارهم ومع الشرطه. يــبي يقوم ابوه ابو الشباب




وحتى أم جيرانهم ماسلمت منه

****************>> مسكين ابوه مافيه احد بالحاره الا وقف عند بابهم

وفي أثناء ذلك يستغل الفرصه ويدز للمطبخ وياخذ

منه جبن جبنة البقره الضاحكه <<<<< =-=-=--=- صديقتي ذي

وخبز ويرجع لووووووووووكره اسفه غرفته

ويقفل باب الصندقه

اكرر أعتذاري الغرفه ويتعشى من ذا الجبن والخبز

اللين يدوخ على الساعه 3 لا وأزيدكم من الشعر بيت ما ينام

الا وهو متلطم على باله مراقب

أنـــــــــــتــــــــهــــى

الله يعطيك العافيه با كنق